Taliyaha Ciidanka Kenya eek u sugan Soomaaliya ayaa ku Faanay in ay Duqeymo Diyaaradeed ku dileen askar ka tirsan Al-shabaab ee fadhigooda uu yahay koonfurta Soomaaliya.

Afhayeenka ciidamada Kenya ee ku sugan Soomaaliya Colonel Cyrus Oguna,oo ka hadlay duqeynta diyaaradaha dagaalka Kenya ay ka geysteen Soomaaliya gaar ahaan deegaanada Koonfureed,ayaa wuxuu shaaciyay in Duqeynta khasaaro ay ku gaarsiiyeen saraakiil ka tirsan Al-Shabaab iyo sidoo kale inay ku burburiyeen Gawaari dagaal oo hub u saarnaa Al-Shabaab.

Dhowr jeer ayaa diyaradaha dagaalka ee Kenya waxa ay duqeyn ka gesten koofurta Soomaaliya halkaasi oo ay kulaayeen shacab Soomaaliyed kadiba ay baahiyen in xubna Shabaab ah dileen, waxaana soo baxaya eedeymo isi soo taraya oo Kenya ka dhan ah maadaama wax ogolaansha ah aysan u heysan duqeymaha gudaha Soomaaliya.

Sidoo kale Afhayeenka ciidamada Kenya Colonel Cyrus Oguna,ayaa dhanka kale sheegay in Sarkaal lagu magacaabo Sheikh Nuur Dheere oo shabaab ka tirsanaa dagaalka ay ku dileen,isagoona tilmaamay in duqeynta inteeda badan ay ka dhacday deegaano ka tirsan Gobolka Gedo gaar ahaan magaalada Garbahaareey.

Wuxuu sheegay Cyrus Oguna in duqeynta ay ku qaadeen deegaanada Gedo ay ku damacsanaayeen inay la bartilmaameedsadaan goobo ay ku xoogan yihiin Al-Shabaab,wuxuuna hoosta ka xariiqay in u jeedkii laga lahaa laga gaaray.

Afhayeenka ciidamada Kenya ayaa hadalkiisa intaasi wuxuu raaciyay in xubno badan oo ka tirsan Al-shabaab duqeynta ay ku geeriyoodeen kuwo kalena ay ku dhaawacmen.

Hadalkaan ka soo baxay dowlada Kenya ayaa imaanaya xilli diyaaradaha dagaalka Kenya ay duqeymo ka geysteen qeybo ka tirsan Gedo,balse ma jiro wax war ah oo ka soo baxay Al-shabaab oo beeninaya hadalkaan Kenya ka soo yeeray.