Jose Mourinho ayaa caawa u dabaaldegi doona kulankiisii 100aad ee Real Madrid ee horyaalka La Liga, marka ay Los Blancos caawa Santiago Bernabeu ku soo dhaweyso Rayo Vallecano.

Jose Mourinho ayaana rikoor ay u tahay marka loo fiiriyo inuu yahay tababaraha ugu guulaha badan 100kiisa kulan ee ugu horeeya horyaalka ee taariikhda kooxda Real Madrid.

Waxaana 99kii kulan ee uu soo qabtay Los Blancos kulamada La Liga uu badiyay 75 ka mid ah, 13 barbaro iyo 11 kulan oo laga badiyay, ninka ugu soo dhow rikoorkaas waa tababarihii hore ee Los Blancos Miguel Muñoz kaasoo 100kiisii kulan ee ugu horeysay badiyay 72 kulan, barbaro galay 13 kulan islamarkaana laga badiyay 15 kulan.

Inkastoo uu rikoorkaas uu u hayo Real Madrid, hadana horyaalka La Liga marka loo fiiriyo waxaa ka horeeya ninka ay xafiiltami jireen ee Pep Guardiola oo badiyay 79 kulan 100kiisii kulan ee ugu horeysay horyaalka La Liga markii uu macalin ka ahaa Barcelona, 14 barbaro iyo 7 guuldarro ayaana u sii raacda.