Kulankaan ayaa dhaqso uu ku yahay kabtanka kooxda Manchester City Vincent Kompany, halka si la mid ah sidaas laga dhihi karo Micah Richards kaasoo isaga ku dhow inuu soo laabto ka dib dhaawac jilibka ah.

Kulanka: Manchester City v Liverpool

Garoonka: Etihad Stadium

Waqtiga: 7pm SGA

MANCHESTER CITY Hart Zabaleta, Nastasic, Lescott, Clichy Barry, Garcia Milner, Silva, Aguero Dzeko

LIVERPOOL Reina Wisdom, Skrtel, Agger, Johnson Henderson, Lucas Suarez, Gerrard, Sterling Sturridge

Walaalaha Kolo iyo Yaya Toure ayaa weli ku maqan koobka Qaramada Afrika taasoo la micno ah in Roberto Mancini uusan bedel badan sameyn doonin.

Phillip Coutinho ayaa laga yaabaa inuu kursiga keydka u soo fariisto maanta kooxda Liverpool ka dib markii uu ka soo wareegay Inter, halka Jose Reina la filayo inuu goolka ku sii jiro ka dib markii uu soo laabtay kulankii Arsenal.

Andre Wisdom ayay u badan tahay inuu ka sii ciyaari doono daafaca midig inkastoo uu soo laabtay Jose Enrique kaasoo booskiisa uu buuxinayo Glen Johnson.

Martin Kelly ayaa ah dhaawac muddo dheer ee ka maqan Liverpool.

• Manchester City ayaa badisay labo kulan islamarkaana laga badiyay hal kulan sideedii kulan ee u danbeysay ee Premier League ee ay qaabileen Liverpool iyadoo shanta kulan kale ay ku dhamaatay barbaro.

• City ayaa shabaqa ilaashatay lix kulan oo isku xigta tartamada oo dhan waana markii ugu horeysay tan iyo bishii August 1999.

• Luis Suarez ayaa ah udub dhexaadka goolashaLiverpool, waxa uu dhaliyay 22 gool tartamada oo dhan, ciyaaryahanka ku soo dhow waa Gerrard waxaana uu leeyahay lix gool.

• Liverpool ayaa ah kooxda ugu saxnaanshaha badan baasaska dheer xilli ciyaareedkan Premier League iyagoo saxay 69 boqolkiiba.

• Steven Gerrard ayaa ah khadka dhexe kaliya ee ciyaaray daqiiqad kasta oo ka mid ah Premier League xilli ciyaareedkan.