Ururka haweenka ee Fartuumo oo kamid ah ururada haweenka ee ka hawlgala degmada Taleex ayaa mudooyinkii ugu dambeeyey ku hawlanaa dhismaha saldhig Police oo laga hirgelinayo degmada Taleex, Halkan riix si aad u daawo muuqaalkan

saldhigan oo markii ugu horeysay uu dhagax dhigay madaxwayne Axmed Cilmi Cismaan (Axmed Karaash) oo ka tirsan gollaha madaxtooyada Khaatumo ayaa waxa uu haatan marayaa meel gabagabo ah.

Hadaba booqasho ay ku tageen wufuud uu hogaaminayo madaxwayne Axmed Karaash, wasiir ku xigeenka wasaarada arimaha gudaha ee maamul goboleedka Khaatumo Abshir Sheekh Maxamuud maayarka degmada Taleex Maxamuud Jaamac Shaacuur, iyo xubno ka tirsan ururka Fartuumo ayaa waxa ay indha indhayn kusoo saameen yihiin qaabka uu u socdo dhismaha saldhigaasi.
Waxaana ugu horeynba halkaasi ka hadlay maayarka degmada Taleex Maxamuud Jaamac Shaacuur oo ka warbixiyey hab u socodo dhismaha saldhigaasi.

Sidoo kale waxaa iyana halkaasi ka hadlay xubno ka tirsan ururka haweenka ee Fartuumo, iyo madaxweyne Axmed Cilmi Cismaan (Axmed Karaash) oo ugu baaqay dad weynaha kasoo jeeda deegaanada Sool, Sanaag, iyo Cayn inay ka qayb qaataan dhamaystirka saldhigani.
Si kastaba ha ahaatee saldhigani ayaa la rajaynayaa inuu wax badan u tari doono dad weynaha ku dhaqan degmada Taleex.

Wariye Abdirahman Wadani
Email axmedyare1001@hotmail.com