Xiriirka kubada cagta Afrika ayaa ku ganaaxay Ethiopia lacag gaareysa 10 kun oo doolar ka dib markii taageerayaashooda ay u dhaqmeen si anshaxa kubada cagta ka baxday intii uu socday kulankii qaramada Afrika ee Zambia isniintii.

Taageerayaasha xulka ka dhisan Bariga Afrika ayaa ka careysnaa go’aankii uu garsooraha casaan ku siiyay goolhaye Jamal Tassew daqiiqadii 31-aad ee ciyaarta ka dib markii ay isku dhaceen Chisambu Lungu.

Labada ciyaaryahan ayaa dhulka kuwada dhacay iyagoo u baahday caawin dhaqaatiir, laakiin 23 jirka goolhayaha ah ayaa casaan loo taagay intii lagu sii waday bareelo.

Iyagoo jawaab ka bixinayay go’aanka garsooraha, taageerayaasha Ethiopia ayaa bilaabay inay ku ooriyaan garsooraha islamarkaana garoonka ku soo dhex tuuraan turumbooyinka Vavuzelas iyo calamo iyo sheeyaal kale.

Garsooraha ayaa lagu qasbay inuu sugo inta ay taageerayaasha ka degayaan islamarkaana garoonka geesihii laga nadiifinayo, ka hor inta aysan ciyaarta dib u bilaaban, taasoo aakhirkii ku dhamaatay barbaro 1-1 ah.

Waxa ay sidoo kale taageerayaasha turumbada Vuvuzela ku soo tuureen ciyaartoyda Zambia markii ay u dabaaldegeyeen goolkooda.

Saed Mohamed Balaleti