Iker Casillas ayaa shaaca ka qaaday in wax dhibaato uusan u arkin go’aankii Jose Mourinho uu kaga saaray line-upka Real Madrid kulankii ay sabtidii la ciyaarayeen Malaga.

Mourinho ayaa abuuray in dadka badan ay ka hadlaan arimaha kooxda dhexdeeda ah ka dib markii uu ku soo shirtagay goolhayaha labaad ee kooxda Antonio Adan kulankii ay la ciyaareen La Rosaleda, isagoo keyd geliyay kabtanka kooxda Iker Casillas.

Mourinho ayaa ciyaarta ka dib sheegay in go’aankiisa ay aheyd mid farsamo islamarkaana uu haatan u arko in Adan uu ka fiican yahay Casillas.

Casillas oo la hadlayay TV-ga La Sexta ayaa yiri: “Tababaraha ayaa go’aansada ciyaartoyda uu isleeyahay waa ay ku fiican yihiin ciyaar kasta, waxaad u baahan tahay inaad aqbasho go’aanka tababaraha.

Uma baraninin inaan kursiga keydka fadhiyo, laakiin kooxda ay ka weyn Iker Casillas ama ciyaaryahan kasta. Waxa aan u baahanahay ayaa ah inaan sii wado tababarka oo aan dib u helo kalsoonida tababaraha.

Casillas oo koobab badan la qaaday Madrid, islamarkaana isagoo kabtan ah ku hogaamiyay xulkiisa koobkii adduunka ee 2010 iyo koobabkii Euro ee 2008 iyo 2012 ayaa hadalkiisa raaciyay:

“Waan wanaagsanahay, laakiin waa tababaraha qofka go’aansanaya cida ciyaareysa. Waxa ay noqon doontaa dagaal fiican oo ma dhexmara Antonio. Waxaa naga dhaxeeya xafiiltan fayow.”