BAARLAMAANKA SOOMAALIYA OO YEESHAY KULAN AY ARIMO KALA DUWAN KAGA HADLEEN
Published on Dec 10 2012 // WARAR, Wararka Somalia
Kulanka ayaa sidii caadada aheyd waxaa daah furay Guddoomiyaha Baarlamaanka Soomaaliya Maxamed Cusmaan Jawaari iyadoo kadib Xildhibaanada Baarlamaanka Soomaaliya ay guda galeen ka hadalka ujeedka kulanka.Ujeedooyinka ugu waaweyn ee kulanka ayaa wuxuu ahaa sidii Baarlamaanka Soomaaliya loo horkeeni lahaa Wasiirka Gaashaandhiga Xukuumadda Soomaaliya iyo wasiirka arimaha dibada dalka Soomaaliya oo su’aalo la weydiin lahaa.
Guddoomiyaha Baarlamaanka Soomaaliya ayaa sheegay in wasiirka arimaha dibada dalka Soomaaliya ay ka qeybgalayso kulan ka socda Garoonka Muqdisho islamarkaana ay soo jeedisay in hadii ay suuragal tahay ay kasoo qeybgalayso kulanka hadii kalena ay warqad su’aalaha looga fadhiyo ay uga jawaabayso ay soo qoreyso.
Wasiirka Gaashaandhiga ayaan isna kasoo qeybgalin kulanka Baarlamaanka Soomaaliya waxaana sababihiisa lagu sheegay inuu mashquulsan yahay.
Intii uu socday kulanka ayaa Xildhibaanada Baarlamaanka Soomaaliya waxa ay ka hadleen arimo la xiriira in Gobolo kamid ah dalka Soomaaliya laga qodo shidaal,arintaasi ayuu Guddoomiyaha Baarlamaanka Soomaaliya uga jawaabay inay Baarlamaanka soo qoraan qoraal ay arintaasi ku faahfaahinayaan.
comment closed