Waxaa guud ahaanba Magaalada Buuhoodle ee xarunta Gobolka Cayn maanta si rasmi ah uga soo gabagoobay shir weynaha Beesha Cali Axmed ama Cali Gari ee Towfiiq 2, iyadoona shir weynahani Towfiiq 2 ay kasoo qayb galeen Qaar kamid ah  isimada Deegaanada Sool, Sanaag, iyo Cayn, Cuqaal, Waxgarad, Culumo Awdiin, Qurba joog, Ururada Bulshada, Jaamacadaha Magaalada Buuhoodle, Dhalinyaro kala duwan ee mandaqada deegaanka Khatumo State.

Shirkan ayaa waxaa ka soo baxay 7 Qodob oo saldhig u noqon doona reer Khaatumo oo dhan, waxaana meesha isugu yimid masuuliyiin Khatumo State oo soo dhaweeyay shirkaas qaatayna qodobadii ka soo baxay.

1. Ku dhaqanka Shareecada Islaamka
2. Waxay beeshu go’aansatay in beeshu iyo beelweynta SSC inay ka midoobaan, dhinaca dhaqaalaha, difaaca iyo siyaasada
3. Beeshu waxay samaystay Golo dhaqanka , waxii siyaasad ah ee aan soo marin ma matasho reerka
4.Beeshu waxay go’aansatay in maamulka Hargaysa aysan wax xidhiidh ah la yeelan
 A4. Waxuu cadaynayaa in cidkii garab siisa maamulka hargaysa uu dhiigiisu xalaal yahay.
5. Waxay beeshu cadaynaysaa inay ka tirsantahay Dowladda Federaalka ee soomaliya maamul ahaan ay yihiin Khatumo State.
6. Waxay beeshu go’aansatay in si daris wanaag ah loo wada noolaado, sidaas oo kalana beeshalaha kale sameeyaan.
7. Waxay beeshu go’aansatay in maamulka kilka shanaad ee beeshu dagantahay ay wax la qaybsadaan beel ahaan iyo in la taageero  maamulkaas.
Dhinaca kale waxaa magaalada Buuhoodle iyo deegaanada u dhaw ka soo socda dhamaashad aad u wayn oo lagu soo dhaweeynaya  qodobada shirkaas ka soo baxay oo dad badan ay aad ulla riyaaqeen, ayna arinkeen iftiinkii reer Khaatumo oo meel la isla dhigay.

Guud ahaan shirkan ayaa waxaa ka hadlay dad aad u tiro badan oo aan lagu soo koobin karin warbaahinta, Waxaana idiin soo gudbin doonaan Codkii iyo Video oo dhamaystiran ee la soo WidhWidh  Online.

Caaqil Cali Dahable oo si cad u sheegaya Qobodaba shirka ka soo Baxay